First Lego League 2023

First Lego League er alþjóðleg Lego keppni sem nær til yfir 100.000 ungmenna í 45 löndum víða um heim.

First Lego League eða FLL er afrakstur samstarfs milli FIRST® og LEGO® Group.  Árið 1998 tóku Dean Kamen, stofnandi FIRST og Kjeld Kirk Kristiensen  frá LEGO® Group saman höndum og stofnuðu FIRST LEGO keppnina, öflug  keppni sem býður börnum upp á gáskafullt en innihaldsríkt nám um leið og  þeim er hjálpað til að uppgötva þá skemmtun sem hafa má af vísindum og  tækni.

Í MASTERPIECE℠ áskoruninni munu FIRST  LEGO League liðin kanna listheiminn, hvaðan listin er sprottin og  hvernig henni er miðlað – þá munu þau beita aðferðum rannsókna og  nýsköpunar við að koma með nýjar hugmyndir að leiðum til að skapa og  miðla list um allan heim.